序
台語歌仔冊是高貴e語言
施炳華自序
俗語就是自細漢初初會曉分辨聲音e時，ui四箍圍e人學來e語言。簡單講，俗語就是m?免經過正式e教育，ui爸母、厝邊頭尾遐學來e hit種語言。
Ui俗語閣產生另外一種語言，羅馬人共伊稱呼做文言文（gramaticam；grammar）。這種語言，希臘人以及其他e民族也有，毋過毋是所有e民族攏有，因為學這種語言一定愛費真濟時間苦學才會曉，所以干焦少數e人有能力運用這種語言。佇這兩種語言當中，俗語更加高貴，因為伊是人類上早使用e語言，而且是全世界攏咧使用e語言，雖然俗語分做無仝e語系，發音佮詞彙各方面也無仝。俗語更加高貴e原因，是因為伊是自然e，啊文言是人造e。咱想欲討論e就是這種高貴e語言。
咱k?十三世紀歐洲但丁（Dante）e時代換做台灣200年來（1826-2023）e台灣本土語言存滅e情形來比並(ph?ng)，但丁e論述值得咱重視。但丁講e「俗語」是相對文言（gramaticam）──也就是拉丁文──來講e，是指當地e白話、母語、在地話、本土語言；佇台灣，「俗語」是相對文言、華語（國語）來講e。母語是指講原住民語、台語、客語e台灣人所講e阿公阿媽、爸母傳落來的話；台灣人佇清朝統治時期是自由講家己e母語；閣來受日本、國民黨統治時期，母語煞是受人phi--siunn、liam家己都看袂起e語言。進入21世紀e台灣，雖罔有「國家語言發展法」（2019年1月9日公布，國家語言是指「臺灣各固有族群使用之自然語言及臺灣手語」），m?-ku，但丁「佇這兩種語言當中，俗語更加高貴」e觀念，一般民眾敢有去想著？敢會去致意著母語（俗語）e保存佮推廣？
母語（俗語）e保存佮推廣，除了口說以外，閣khah重要e是ai有文字e記錄、母語文學e流傳。台語書面文學e資料tsiann濟，其中有一種是用漢字書寫e歌仔冊。歌仔冊是民間說唱「唸歌」（歌仔）e文字e記錄，也就是唸歌e唱本。一百外年來民間流行e唸歌、歌仔冊是民眾e娛樂佮精神糧食，也是民間口語書寫e一種文體，數量tsiann濟，有3000本左右。
歌仔冊是冊讀khah無濟e歌仔先（少數是讀冊人）唸歌予一般民眾聽、寫予??(in)看e ；M?-ku，讀冊人看袂起這種物件、這種文體。
佇1920年到1945年台灣「新舊文學論戰」e風潮中，有人主張學中國e白話文，有人欲寫出台灣話e文學。「文學是語言e藝術」(高爾基[Maxim Gorky]《論文學》)。台灣人欲寫出台灣話e文學，到底欲按怎寫呢？
1945年終戰了後，台灣予國民黨統治。Hit tang時王育德（1924-1985）佇省立台南一中（舊台南州立二中）教冊，受著台南市學生聯盟e委託，替「遊藝會」寫台語e劇本《新生之朝》，tsit?劇本是照歌仔冊e書寫方式寫e。學生看無歌仔冊定定出現e借音字、俗字，王育德就逐句k???解說，學生嘛tsiann認真用日本假名來記音。《新生之朝》佇台南延平戲院公演，suah引起轟動。
王育德後來佇日本?著台灣人第一?語言博士。伊探討「歌仔冊在台灣文化史上的地位」，強調歌仔冊是「台灣人的文化遺產」：
要從台灣人被壓迫的歷史當中找出用台灣話撰寫的記錄，並不容易。幸好我們有一種絕無僅有的寶貴記錄，那就是歌仔冊。
清代的確已存有所謂的「台灣文學」。因為民間早已有了廣為流傳、觀賞的「歌仔」。「歌仔」是以漢字寫成的台語七言或五言韻文。……由於「歌仔」的語言是鄙俗的台語，發表的形式又是以表演為主，因此始終受到讀書人的輕蔑，無法獲得長足的發展。? ?
歌仔冊是正港e台灣文學，m?管佇語音、詞彙、文學、戲劇、社會、宗教禮俗、歷史研究各方面，攏是寶貴e資料；suah因為終戰後國民黨「推行國語，禁止講方言」e政策、佮社會環境e變遷，致使台語無受重視，歌仔冊已經遺失tsiann濟，予人得欲袂記得looh。
國民黨佇台灣推行華語（國語）tsiann成功，結局是足濟台灣人看輕家己e母語，閣誤解母語是用講e，無法度、無需要用文字書寫；若欲寫，kan-na ?-tang用華語文寫。因為對母語e生(tshinn)疏佮誤解，台語友志咧寫台語文濟少有摻濫一寡華語詞佮華語語法。歌仔冊是一、兩百年來民間滑溜溜、活跳跳e口語書寫，若欲寫純粹、有祖先阿公阿媽khui口e台語文學，熟唸歌仔冊是tsiann好e方法。
我20年來沈迷佇歌仔冊中，對歌仔冊e編作者、歌仔冊e故事、歌仔冊鬥句押韻e手路、研究歌仔冊e鹹酸苦汫、「歌仔冊學」e建立……濟少有淡薄仔心得，嘛感覺其中有tsiann濟趣味e代誌，就分類撰寫，每一篇用一、兩千字e短文poo佇網站[鹿港e的台語研究]參讀者分享；最後ka? 集做一本，號做「歌仔冊e心適代」，「心適代」是心適(sik)e代誌，?g望提供予台灣人、台語友志、台語文學友志、歌仔冊研究者、台灣e學者做消遣，輕鬆閱讀，嘛對歌仔冊有khah深入e了解。
Tsit本書e寫作方式有兩?特色：第一是嚴格e考證，對字詞意義e 探討佮簡單e說明，欲建立台語文用字e合宜通用性；對歌仔冊版本e比較考證，揣出歌仔冊e原作者佮後來抄襲e演變；對歌仔冊編作者佮地名e稽考。第二是歌仔冊故事e內容佮按怎講故事，tsit部份屬於文學創作，所以是每看一擺就改一寡仔，永遠袂滿意；嘛?g望參讀者分享、予讀者感覺心適。
閱讀本書，ai了解歌仔冊書寫e特色：是欲唸唱予人聽，以聲音表達為主；定定用借音字，親像用羅馬字記音仝款。「編歌重韻不重義，盡皆借音用土字。唱歌體會一點意，詳細讀書就知機。」所以m?-thang kan-na用目睭看，ai開喙唸（會曉唱ia khah好），?-tang順利唸唱，就有法度「體會一點意」，吸收歌仔冊e精華矣。
Tsit本書初稿完成了後，請藤村兄鑑定。伊所建置e「歌仔冊數位化」予我e研究tsiann大e幫ts?n，伊嘛對tsit本書e字詞解說方面提供tsiann濟寶貴e意見；國立雲林科技大學漢學應用研究所柯榮三教授提供予我袂少罕見e歌仔冊文本；鳳珍做全書e編排佮校對……，濟濟e台語、歌仔冊友志提供幫ts?n佮鼓勵，我真是感謝萬分。
Tsit本書大大細細攏講著，講袂tsa?p-tsn?g，請讀者包涵並且賜教。
2023年10月施炳華寫佇台南惜陰齋
