推薦序



台南種籽創意繪本手作坊負責人 葉欣怡



　　信龍e詩集kah散文攏足有個人獨特風格kah真強e本土意識， chit擺共編ho?? 囡仔e睏前故事提來出繪本，t?學齡前色水分袂清，正跤倒跤m?分袂清，加上畫風活潑，按呢e題材真適合細漢小朋友閱讀。



　　當咱講著囡仔e閱讀材料時，chit本冊是一?真好e選擇。尤其對學齡6歲前e兒童來講，chit款e故事m?-ni?會使啟發in e想像力，koh會當幫贊in學習基本e認知，而且koh會使學習按怎包容無仝款e人。



作者序



留h??囡仔e記持 杜信龍



　　Chit?故事是2023年6月初1，下暗睏e時編故事h??囡仔聽--e。阮本成揀三?故事，看是m?是有機會thang出冊--無，若好運有thang補助上好，無，凡勢阮就家己出錢。



　　彼當陣，long是即興編故事，利用阮平常時遇--著e代誌抑是感覺一寡激五仁e意象就k?囥--入-來。



　　阮捌講--過，出冊有影是想袂到--e。這m?-n?是乞食h?大願，m?是阮面皮激厚厚，無--者，阮真正m?敢去做。這帶有一寡欲留ho??囡仔e記持kap使命。



　　推sak台語，保留母語…這阮t? 2013年無細膩踏--入-來e箍仔，想想--leh，這敢m?是人生e過程內底真有意義e代誌？替家己e母語發聲，一份綿爛e情感，敢袂ho??阮家己感動--著？



　　是--lah，世界變化真緊。濟濟人long講愛雙語教育，講來講去就是無愛母語，嫌低路。是講，教育體制內資源敢著long著愛h?華語kap英語大碗phang--去？現此時，手機仔翻譯遐爾仔利便，敢有需要t?學校h?這資源？失去--e才知寶惜。總--是，m?是所有e物件phang見long khioh會轉--來。



　　順應國際e趨勢、未來e生存活命，才來斬斷母語路？這是啥款e攔頭。過去，是殖民者e獨裁；今，是個人e無知。T?人工智慧puh--出-來後，欠缺一寡人性，koh有記持kap情感，an-ne kap機器人有啥精差？



　　Kap囡仔講台語，家己e語言應該是真自然e代誌。今，甚至t?府城街仔路頂、一般菜市仔欲聽--著long真罕--得--ah，t?厝內m?無leh講。



　　囡仔t?上幼稚園了後，就家己學會曉華語。轉--來，家己s?g e時m?會講華語，捌問阮為啥要求ai講台語…。這阮看--來m?是一般多元語言社會會遇--著e問題，是華語e霸權。



　　按怎講--leh，就是無尊存家己e母語--lah。有同學聽阮講台語，soah問阮是m?是外國人？有ham--無？老師有意無意，譬相台語kap排斥。按呢囡仔當然會khah無愛講母語--ah，這就是目前阮推sak母語上大e困境——心態。



　　對民進黨執政來，確實，母語運動愈來愈有行氣。書寫民主化的確ai倚靠教育體制，民間e推sak當然是袂當斷--e。這幾冬，母語冊愈來愈濟，當然，kap華語koh袂比ph?ng--得，總--是，這有影是一?機會。阮嘛是綴時代，鼓舞家己出冊，向望家己會使為母語出力。



　　阮知影袂少家長long想欲kap囡仔講台語。是講，咱ai理解這是久長e路途。這m?-n?需要家長e心態，koh有實際行動e氣力。這m?是輕可代，m? m?是無可能e事工。上基本e行動，就是kap囡仔講故事，佗一?囡仔無佮意聽故事--leh？



　　編故事有時真頭疼，有時是阮趣味，na編na講e過程，kap囡仔連結是會愈來愈?。當時仔，阮m?想欲k?一寡教育e觀念，做人e態度h?--入-來，ho?? in koh-khah早認捌這世界。這m?是阮做老爸e不安kap神經質。



　　著--lah，這需要社會e力量，m?是阮個人ni?-ni?。



　　落尾，阮某無做工課了，暗頭仔囡仔就long khah倚--伊，阮相對編e故事m? khah少--ah，m?真拍損。是講，這記持無全然是好--e，尤其是阮人忝e時，koh欲硬激頭殼想故事an-tah囡仔。



　　阮無確定阮e故事好抑是bai，總--是，阮知影囡仔隔轉工koh會討欲聽。這是阮上大e鼓勵。



　　今，重koh k? kap囡仔e記持li?--一-擺koh有thang出冊，算是一種完滿e儀式，m?是一種幸福。