1 ??推薦序　Recommendation�NTCU人文學院 莊敏仁教授

3 ??推薦序　為台灣之子女所寫的書�NTCU人文學院 林欽賢院長

5 ??推薦序　 T?台語發展歷史e重要坎站，咱無欠席�成功大學 施炳華教授

9 ??Chu-pian e ?e 主編e話�Teng Hongtin、梁淑慧

17 作者kap團隊成員紹介

19 台灣字/ Pe?h-?e-j? kap教育部羅馬拼音對照表



001 ??第一章　台語文教學理論�陳麗君

031 ??第二章　台語文教育簡史kap未來e公義�Teng Hongtin

067 ??第三章　台語文教師專業能力：台語概論�程俊源

111 ??第四章　釘根母語e台灣學（Taiwanology）教育�蔣為文

137 ??第五章　 素養導向e中學台語文課程設計kap教學要領�梁淑慧

167 ??第六章　中學台語文教案設計kap多元學習評量�曹芬敏

203 ??第七章　台語文數位資源紹介�楊允言

221 ??第八章　中學台語文跨領域統整教學�林秀珍

259 ??第九章　台灣民俗文化�林茂賢

295 ??第十章　台語教學e應用

296 ??第一節　台語漢詩吟誦教學�施炳華

316 ??第二節　台語e腔調教學—聽鹿港人唸唱泉州腔�施炳華

337 ??第三節　中學藝術領域台語浸汰式教學�許芳誠

351 ??第四節　中學台語教案「水資源佗位揣」�翁曉萍

362 ??第五節　台語創思e教學�林麗姿

374 ??第六節　台語教學e資訊融入�傅美玲

387 ??第七節　台語認證考試要領�江澄樹



403 ??Ian-sin oa?t-tho?k chheh-toa? 延伸閱讀冊單

序



台語羅漢文�漢羅文版 Tai-gi lo-han-bun/han-lo-bun pan

主編e話

丁鳳珍、梁淑慧



　　Chit本冊是國立台中教育大學人文學院台灣語文學系執行e教育部高教深耕計畫「中等學校本土語文（台語文）教材教法課程研發方案」額外e禮物。因為阮無nia教育部e稿費，出冊m?無the? h教育部e錢，所以，阮歡喜自由做阮愛做--e。



　　阮自2020年春天無eng kau ta?，第3 e春天已經離開。多謝國立台中教育大學郭伯臣校長kap王如哲前校長領導e行政kap學術團隊，多謝師資培育暨就業輔導處魏麗敏處長tah心sio-th?n，多謝人文學院林欽賢院長kap莊敏仁前院長熱情e鼓勵chham支持，多謝台語系林茂賢主任全然e信任koh慷慨提供精彩e文稿，多謝台語系陳麗華秘書、人文學院黃怡菁秘書kap計畫助理鄭翔茹小姐不三時tau-sa?-k?ng。



　　深深感謝阮chit e方案e共學實踐社群委員chham助理：丁鳳珍、梁淑慧、楊允言、程俊源、施炳華、蔣為文、陳麗君、林秀珍、曹芬敏、林麗姿、江澄樹、黃進旺、傅美玲、許芳誠、翁曉萍、龔昱豪、廖永平、施秀玟、曾珮瑄、陳柏鈞、宋展旭、鄭凱元。



　　Ai感謝e人chia? ch?e，感謝教lan講台語e鄉親s?大，感謝eng過ch?ech?e為搶救台語e性命來奉獻青春e si?n-pai，多謝五南e台灣書房願意替lan出冊，多謝願意掀開chit本冊e你。Lan人jin生e溪水彎彎oat-oat ?g前流--過去，有緣tang-che為lan台語人e母語教育奉獻青春，lan歡喜甘願。Jin生b?e-tit圓滿，世事oh-tit chiau-chn?g。本chia?阮想beh k?全部文稿e用字、腔口long盡量改ho??一致；lo??尾，阮想講，chit-ch?n是lan人轉型正義e新時代，eng過威權時代ah-pa e「一統」、「統一」，m? 是真理，m? ai考慮tio? h自由、個性chit e原則。當然共有e規範是互相溝通所需要--e，m? -ku，到底an-noa做khah好，阮想che需要lan ta?k-ke tau-t?n來實踐，只有無停睏繼續來書寫台語文，有hit-chi?t-kang，lan會自然形成共識。因為anni，chit本冊會t?尊重多元chham建構台語文書寫e標準化chit nn?g e角度，來調整文稿e用字。阮知影an-noa做long有遺憾，chit本冊ti??-tio? h有b?echio欠點。若是beh theng-h?u kau圓滿，永遠to b?e有出版hit-chi?t-kang。?-tang t?台語文書寫標準化e路途tang中，奉獻青春，lan是有福氣e人。



　　Chit本冊t?i-seng beh服務e對象是大學e中等學校台語文專長e師資培育生，因為in e「中學台語文教材教法」chit門課程chia?需要toe會tio? h時代e教科書，che chia?是教育大學台語系老師ai ta?--起-來e社會責任。Koh來beh提供ho??「12年國教本土語文課綱」2022學年度開始實施e中學台語教師su配e教材指引。Chit本冊m? beh獻ho??愛beh自我精進台語文e台語人，m?幫ch?n想beh引chh?a kia?兒s?細o? h母語e台語人。Lan m? ai繼續要求中華民國e教育部，緊緊落實「轉型正義」，mai koh一直the? h威權時代壓迫lan人e「閩南語」chit款殖民e印記，來chau-that lan台語人。Lan是台語人，lan愛beh教lan e kia?孫聽?-hiau台語、gau講台語、heng讀台語文、koan-si寫台語文。



　　Lan e先祖留lo?h ch?e-ch?e e台語文祖公媽產ho?? lan，可惜ch?e-ch?e台語人受殖民教育thai久，soah m? 知lan有hiah-n? ch?e珍貴e白話字（台灣字）文獻chham漢字e歌仔冊（歌仔簿）文本ai寶惜kap傳承。Lan ho??文化殖民教育變做無過去e「中國閩南語人」，kan-na看有目chiu前e物件，lan kamchia?實有才調kia?出phong-phai e未來？愛beh chia?做台語專業老師e人，kam好意思繼續講，白話字kap歌仔冊e文化資產lan人b?e-hiau m? 知m?無要緊leh？到底是ka-k?看無、m? o? h，a?h是chia?實無想beh繼承祖公祖媽送ho??lan台語kia?孫e文化遺產。無想beh做「台語文e好gia? h人」，soah堅心beh做「台語文e散hiong人」？



　　2020年5月初8行政院文化部e文化資產局公告第2屆「台灣世界記憶國家名錄」，m? -n?有國立台灣文學館提報e「台灣白話字文學及相關作品」，koh有台灣基督長老教會歷史檔案館提報e「賴永祥長老史料庫」kap i ham台南神學院、長榮中學聯合提報e「南部基督長老教會在台灣傳教之歷史文獻之巴克禮相關文物」，che tui台語白話字文獻e研究kap推廣意義重大。



　　為beh幫ch?n師資培育生li?ng早chia?做「好gia? h e台語文老師」，lan chit本冊e羅馬字khah ch?e是採用在來e白話字（台灣字），當然m?有koa所在會用中華民國教育部2006年公佈e「閩南語羅馬拼音方案」。阮chia? tah心，koh有t?冊e頭前專工kh?g chi?t份羅馬字對照表，相信愛beh chia?做優等giotohe台語文教師e你，ti??-tio? h看有。



　　Jin生是學習e旅途，m? -ku，學問智識是o?h b?e完--e，lan kan-na ?-tang「the? h真心來交換」。Lan ti? an-ni，繼續pia?-si栽培lan ka-k?，不時自我精進e老師，ti??-tio? h是鼓勵學生骨力學習si?ng好e模樣。

?